Është e enjte dhe sot ka seancë plenare në Kuvendin e Shqipërisë. Grupi i deputetëve të PD-së së Rithemelimit, do të tentojë edhe sot që të shkaktojnë kaos dhe bllokim të seancës. 6 prej tyre janë të përjashtuar nga seanca e sotme për shkak të ngjarjeve të së hënës në Parlament, por mes tyre është edhe Gazment Bardhi, i cili është shprehur se sot do të jenë në sallë e Parlamentit.
Deputetët e Sali Berishës kanë paralajmëruar sërish kaos ditën e sotme. Ishte Gazment Bardhi që një ditë më parë tha se do të jenë të pranishëm në seancë, ndonëse janë të përjashtuar. Po ashtu edhe Berisha tha se opozita do të luftojë për të drejtat e saj.
Rithemelimi ka ndërmarrë akte ekstreme në Kuvend duke mos lejuar prej disa javësh zhvillimin normal të seancave. PD e Lulzim Bashës është distancuar nga këto akte, duke thënë se një opozitë e dhunshme i shërben Edi Ramës.