Kryeministri izraelit Benjamin Netanyahu ka publikuar një video në rrjete sociale, ku ndodhet në mesin e disa ushtarëve.
Ai deklaroi sot se ndodhen në “kulmin” e betejës dhe se asgjë nuk do mundet t’i ndalojë për të fituar.
“Jemi në kulmin e betejës. Kemi pasur suksese mbresëlënëse. Asgjë nuk do të na ndalojë. Ne do të ecim përpara, do të avancojmë dhe do të fitojmë. Këtë do ta arrijmë me ndihmën e Zotit dhe me ndihmën e luftëtarëve tanë heroikë”, tha Netanyahu.
Ushtrisë izraelite do t’i duhet të përballet me një rrjet të gjerë tunelesh nëntokësore, të cilat Hamasi tashmë i ka përdorur për të nisur sulme të befasishme kundër ushtarëve.