Ronaldo Sharka ka mbyllur mbrëmjen e sotme rrugëtimin e tij në “Dancing With The Stars”.
Konkurrenti nuk ka arritur të kalojë në fazën tjetër të programit të kërcimit.
Pasi kërceu lëvizje të rastësishme nën tingujt e muzikës pa asnjë koreografi të përgatitur paraprakisht, ai nuk arriti dot të fitojë votat e vlefshme.
Juria preferoi të shpëtonte çiftin Ina-Eltion, të cilët do të vazhdojnë garën.
Ndërkohë “Dancing With The Stars” ka rezervuar një surprizë për të gjithë ndjekësit, pasi javën e ardhshme pjesëmarrës në programin e kërcimit do të jetë këngëtari Alban Skënderaj.
Hitet e tij do të kërcehen nga konkurrentët, të cilët do të sjellin në skenë zhanerë të ndryshëm.