Pas viteve të vështira në një martesë të palumtur ku nuk trajtohej si një bashkëshorte, por si skllave, Arkonda vendosi t’i jepte fund. E vetme, ajo erdhi në Tiranë dhe nisi të punonte e t’ia dilte mbanë teksa e ndihmonin edhe familjarët.
Ndërkohë, në vendin ku punonte takoi dikë që i ngrohu zemrën, Renaton. Çifti vendosi të vijonte rrugën së bashku, por mbetej edhe çështja e fëmijës.
Më herët gjatë “Ka Një Mesazh Për Ty” ajo rrëfeu se si ish-vjehrra foli me një mjeke për t’i dhënë ilaçe që të mos lindte fëmijë dhe ia vunë fajin vezëve të Arkondës. Megjithatë, rezultoi se vjehrra e kishte tërësisht gabim.
Ardit Gjebrea: Tani më ngeli merak ajo puna e vezëve, si u bë? Ishin të thara apo të njoma?
Arkonda: Jo, vezët ishin për merak por ishin për fajin e vjehrrës që donte t’ia shpifte atyre se unë isha për merak. Tani vazhdon puna e vezës që unë u bëra me kalama sa mora Renaton!
Ardit Gjebrea: Dhe kur ndodhi?
Arkonda: Për 3 muaj pasi mora Renaton,brenda 3 muajve…
Ardit Gjebrea: Mbete shtatzënë.
Arkonda: Mbeta shtatzënë, u bëra me një çun.
Ardit Gjebrea: Ta kesh me jetë!