Fituesja e çmimit Nobel për Paqen, e arrestuar në Iran, ka nisur një grevë urie.
Mohammadi arriti t’i përcjellë familjes së saj një mesazh nga burgu famëkeq Evin i Teheranit, sipas llogarisë së saj në Instagram, të drejtuar nga të afërm jashtë vendit.
“Ne jemi të shqetësuar për gjendjen fizike dhe shëndetin e Narges Mohammadi”, thuhet në raport.
Mohammadi, një nga aktivistet më të shquar të të drejtave të njeriut në Iran, u nderua me Çmimin Nobel për Paqe në fillim të këtij viti, “për luftën e saj kundër shtypjes së grave në Iran dhe për promovimin e të drejtave të njeriut dhe lirive për të gjithë”.
Aktualisht, 51-vjeçarja po vuan një dënim të gjatë me burg në burgun e Teheranit.
Sipas postimit në Instagram, greva e urisë e Mohammadit është një protestë kundër kushteve të burgut dhe rregullit të detyrueshëm të mbulesës për gratë në Republikën Islamike.