Në Kryesinë e Kuvendit ka një axhendë të ngjeshur sa i përket Komisioneve Parlamentare, por që Garda është sërish aty. Pritet që PD-ja e Sali Berishës të nisë aksionin e saj në komisionin për çështjet ligjore, që njëkohësisht është komisioni i parë për sot që do të zhvillojë punimet me praninë fizike të deputetëve.
Përveç projektligjit për buxhetin, aty do të ketë disa dëgjesa me institucionet e drejtësisë. Edhe komisionet e tjera kanë në shqyrtim projektbuxhetin e vitit 2024.
Nga 10 komisionet që janë në axhendë për t’u mbledhur sot, pjesa dërrmuese do të mbahen online. Ndërkohë që deputetët e opozitës sërish kanë njoftuar se sot në orën 11:00 do të mbajnë mbledhje në zyrat e tyre të Kryesisë.
Kuvendi me një shkresë drejtuar gardës, ka njoftuar se deputetët e opozitës të cilët janë përjashtuar nga komisioni i Etikës, nuk do të lejohen që të futen në Kryesi, deri sa të përfundojë afati i përjashtimit.