Kreu i PD-së së Rithemelimit, Sali Berisha nuk është paraqitur në seancën e GJKKO që ka nisur në orën 10:00 të mëngjesit të sotëm.
Ai ka kërkuar shuarjen e masës “detyrim paraqitje” të marrë nga GJKKO për aferën e privatizimit të ish-kompleksit Partizani, çështje për të cilën Berisha është nën hetim.
Në seancë janë të pranishëm avokatët e Berishës, Sokol Mëngjesi dhe Genc Gjokutaj, të cilët kërkojnë shuarjen e masës “detyrim paraqitje” me arsyetimin se nuk janë respektuar afatet ligjore për marrjen e këtij vendimi.
Kërkesa do të shqyrtohet nga gjyqtarja Irena Gjoka.