20 minuta zgjati këtë të enjte seanca plenare në Parlamentin e Shqipërisë. Për shkak të kaosit të krijuar, ku Rithemelimi ndezi disa tymuese me tym të bardhë dhe kishte mbledhur karriget para foltores, kryetarja Lindita Nikolla mbylli seancën. Kaloi për votim edhe rendi i ditës. Me votat e mazhorancës janë rrëzuar 6 projektligje të depozituara nga opozita.
Deputetët e PD-së, Saimir Korreshi dhe Dashnor Sula janë parë me tymuese në duar. Teksa tymi mbuloi sallën, kryeparlamentarja Lindita Nikolla nuk i ndali punimet, por vazhdoi fjalën e saj dhe ka kërkuar ndërhyrjen e Gardës për të mbarëvajtur rendin.
Ministri i Brendshëm, Taulant Balla u kërkoi deputetëve demokratë që të mos keqpërdoren nga interesat personale të një individi, referuar ish-kryeministrit Sali Berisha. “Deputeti ligjvënien e ka detyrë primare. Kjo pamje tregon se këtë punë nuk e keni marrë seriozisht. Përkeqëson marrëdhënien me njerëzit. Thirrja ime ndaj pjesës më të madhe të deputetëve të djathtë, ju lutem mos u keqpërdorni nga interesi dhe halli personal i një njeriu”, tha Balla.
Lexo edhe https://tirananews.al/seanca-plenare-berisha-paralajmeron-kaos/