Siç edhe pritej, deputetët e grupit të Rithemelimit në Kuvend kanë grumbulluar sërish karriget e kolegëve të PS-së në foltore. Por kësaj radhe, ata nuk ka marrë vetëm karriget e socialistëve, por edhe ato të opozitës. Ndërkohë, punonjësit e gardës janë në sallën e Kuvendit në gatishmëri.
Sali Berisha në një lidhje live në Facebook ka nisur fjalimin drejtuar qytetarëve, teksa thotë se Edi Rama nuk pranon ngritjen e Komisioneve Parlamentare sepse është i përfshirë në afera.
“Familjarët e tij janë vërsulur pas tenderave për t’u pasuruar në kurriz tuaj. Rama nuk pranon dot Komisionet Parlamentare se është i inkriminuar. E pret fati i McGonigal”, shprehet ndër të tjera ai.