Edhe pse nën ethet e protestë së opozitës, ish-deputetja e PD-së Jorida Tabaku ka gjetur kohën për të qenë në studion “ABC News”, ku ka konfirmuar lajmin e ëmbël. Gazetarja Mirela Milori i tha se ajo është nënë e dy vajzave, por Jorida u shpreh se është shtatzënë dhe pritet të sjellë në jetë një djalë.
“Po jam në pritje të një djali. Uroj të mos jetë ky lajmi që do të marrë vëmendjen sot. Kam vendosur të jetoj në këtë vend dhe t’i rris fëmijët e mi në këtë vend dhe ndaj dua që të bëhet më e mira për Shqipërinë”, tha Tabaku.