Një 27-vjeçar është ndaluar nga policia e Tiranës. Kjo pasi dyshohet se ka përndjekur një 18-vjeçare në rrjetet sociale, madje i ka hapur dhe një llogari falso në emër të saj.
“Specialistët për Hetimin e Ndërhyrjeve Kibernetike ndaluan shtetasin 27 vjeç, banues në Tiranë, pasi dyshohet se ka përndjekur një 18-vjeçare në rrjete sociale, duke i hapur asaj llogari fallso”, thuhet në njoftimin e Policisë.
Ndërkohë, materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.