Këngëtarja e njohur Xhensila Myrtezaj ëshë bërë nënë për herë të dytë, ndërsa ka njoftuar lindjen e një djali.
Përmes një postimi në Instagram, vetë Xhensila njoftoi se vogëlushi ka ardhur në jetë ditën e sotme, më 11 Nëntor.
Krahas fotos ku duket dora e vogëlushit së bashku me të sajën, këngëtarja bashkangjit edhe në dedikim mjaft emocionues, ku flet për vështirësitë e kaluar në 9 muajt e shtatzanisë.
“Çfarë rrugëtimi kemi pasuar së bashku në 9 muaj, biri im… Vetëm ne të dy në çdo vështirësi brenda një trupi. Ti i tregove mamit forcën tënde, ndërsa unë mora forcë vetëm nga ti. Që tani shoh madhështinë tënde, biri im. Misioni më i bukur i jetës sime është lumturia jote dhe e motrës tënde. Lutja ime për Ajken dhe ty është që të keni duart e bashkuara gjithë jetën, të frymëzoni zemrat e njerëzve si motra dhe vëllai më i mirë për njëri-tjetrin. Rritu i fortë në shpirt, biri im, paç vullnetin për të bërë gjithçka në rrugën e Zotit,” shkruan këngëtarja.