Organizata Botërore e Shëndetësisë ka ngritur shqetësimin se në shumë vende të botës antibiotikët që përdoren për trajtimin e infeksioneve tek fëmijët po humbasin efektivitetin e tyre.
Ky fenomen ndodh edhe në vendin tonë për shkak të abuzimit në përdorim edhe për infeksionet më të thjeshta.
Mjekët hasen çdo ditë me situata të tilla, por sipas tyre kjo shoqërohet me pasoja të mëdha në organizëm.
“Kemi raste të përditshme dhe kemi plot raste që vetë-mjekohen duke marrë antibiotikë. Këto janë raste shumë të vështira për t´u trajtuar sepse duhet bërë ekzaminimet dhe të shikojmë standardin e antibiotikut që ka përdorur që t´i rekomandojmë diçka tjetër që të dominojmë situatën.”
Antibiotiku nëpër farmaci, në vendin tonë jepet njësoj si aspirina, e cila nuk kërkon recetë. Madje, shpesh herë vetë farmacisti ta rekomandon atë për ulje temperature. Ndaj bluzat e bardha këshillojnë që farmacia nuk duhet të jetë dera e parë ku prindërit duhet të drejtohen”, thotë mjeku Bektash Mandri për mediat.
“Farmacia kurrë nuk do të jetë porta e parë e mjekimet për asnjë lloj produkti. Edhe një shurup i thjeshtë merret tek mjeku, pasi ai është kompetent për ta dhënë”, tha ai.
Shumë antibiotikë të rekomanduar nga OBSH për trajtimin e sëmundjeve pediatrike, si meningjiti, infeksionet e gjakut, pneumonia, tani janë më pak se 50% efektive.