Shkrimtari i njohur Albatros Rexhaj dhe sociologu Ergys Mërtiri janë përfshirë në një debat në studion e emisionit “Open” në lidhje me përdorimin e rrjeteve sociale.
Duke diskutuar se çfarë ka vlerë në rrjetet sociale, Rexhaj u ndërpre nga Mërtiri, e kjo pasoi duke i thënë se ‘secili jeton në botën e tij;.
Pjesë nga debati në studio:
Rexha: Seleksionimi i njerëzve është elitare. Fakti që ke një diplomë nuk të bën me të ditur se një tjetër. Fakti që ke marrë 1,2 apo 3 diploma s’të jep të drejtën të deklarohesh si një autoritet tjetër. Kjo mënyrë e të menduarit shkon drejt asaj që është në Kinë, që lidhet me kontrollin.
Mërtiri: Kur flasim për të drejtë apo të gabuar, nuk flasim nga ana juridike. Duhet t’i referohemi vlerave.
Rexha: Më lër të flas. Çdokush jeton në botën e vetë. Kush e saktëson se çfarë është vlerë e çfarë jo? Nëse budallai të mposht në debat kjo është zotësi. Se cili ekziston në botën e vetë. Shkrimtari i njohur, Modiani kur ka marrë çmimin ‘Nobel’ ka thënë që rrjetet sociale janë duke ndryshuar botën. Ka thënë që ne duhet të përshtatemi dhe jo të ndalemi.
Mërtiri: Pyetja që kush e përcakton se çfarë janë vlera, të çon në atë që nuk ka vlera. Është çmenduri që një shoqëri t’i tregojë një profesionisti se çfarë të bëjë.