Policia italiane ka arrestuar një shtetas shqiptar në Taranto nën akuzën e trafikut të lëndëve narkotike. Shqiptari kishte fshehur të paktën 20 kg heroinë në një valixhe dhe po udhëtonte me një taksi për të humbur gjurmët.
Por policia kishte informacion për sasinë e madhe të drogës që ai transportonte dhe në momentet që ka zbritur nga taksia e ka vënë në pranga. Emri i të arrestuarit nuk bëhet me dije, teksa vijojnë hetimet për gjetjen e personave të tjerë në këtë aktivitet kriminal.
Lënda narkotike dyshohet se kishte si destinacion tregun vendas, ku do të ndahej në doza për t’u shpërndarë në zona të ndryshme të qytetit italian.