Në Asamblenë e Zgjeruar të PS-së në Dibër, kryeministri Edi Rama u ndal edhe te Reforma në Drejtësi, për të cilën u shpreh se u krijua si nevojë e madhe e shoqërisë shqiptare.
Sipas tij, Partia Socialiste është e vetmja që solli këtë drejtësi të re.
“SPAK nuk erdhi as nga Amerika, as nga BE, erdhi nga ajo nevojë e madhe e shoqërisë shqiptare për drejtësi, të cilën e mori përsipër ta adresoj PS e Shqipërisë. Patjetër, që kjo reformë nuk do të bëhet dot nëse nuk do të kishim mbështetjen e partnerëve tanë si SHBA. Ata nuk kanë ardhur në Shqipëri në 2013 dhe as 2023, kanë ardhur në 1991. Nëse kjo do të ishte një çështje e gatshme që do të vinte me avion, do ta kishin sjellë me kohë, por nuk është. Nëse nuk ka vullnet shtetbërës të forcës qeverisëse, nuk fuqi në botë që mund të bëjë me telekomandë shtetin për një popull. Kjo është forca e PS. Më vjen shumë keq që njerëzit mendojnë se politika është diçka e keqe.”
Sa i përket situatës ku emra të njohur po përballen me drejtësinë, Rama tha se këto janë ditë të shëmtuara për politikën, por ditë të mira për Shqipërinë.