Sali Berisha ka marrë pjesë në tryezën e organizuar nga ekspertë të ekonomisë dhe drejtues të departamenteve pranë PD-së, në lidhje me projektbuxhetin e qeverisë për vitin 2024.
Ish-kryeministri, Sali Berisha u shpreh se shifrat e buxhetit për arsimin janë kaq të ulëta dhe se asnjë qindarkë për kërkim shkencor, për studime, për biblioteka.
“Shifrat e buxhetit për arsimin janë kaq të ulëta. Asnjë qindarkë për kërkim shkencor, për studime, për biblioteka. Asnjë pushtues nuk mund të sillej në këtë mënyrë ndaj universiteteve të vendit. Ky buxhet ka nëj problem tjetër të rëndë. Përben një goditje. Detyrohen mijëra zyra të mbyllen, mijëra shërbime të mbyllen. Mijëra të marrin rrugët për të siguruar kafahsatën e tyre siç duhet. Nuk ka demokraci pa shtresë të mesme”, deklaroi Berisha.