Mbrëmjen e së mërkurës të gjithë vëmendjen e mori eventi i “Billboard Music Awards” si dhe performanca në hapje e këngëtares Taylor Swift.
Mesa duket jo të gjithë e paskan shijuar siç duhet këtë mbrëmje, pasi mediat e huaja raportojnë se Kelly Clarkson ishte duke qarë nga dhimbjet. Asaj i duhet të largohej menjëherë pasi e kishin kapur dhimbjet e apandesitit. Pikërisht për këtë arsye, ajo udhëtoi në shtëpinë e saj në Los Angeles dhe u drejtua menjëherë në sallën e operacionit.
Fatmirësisht çdo gjë doli me sukses dhe këtë e ka bërë me dije vetë këngëtarja:
“ Nuk dua të gënjej. Pas shfaqjes isha e gjitha në lot prej dhmbjeve. Por falë disa njerëzve të mrekullueshëm udhëtova menjëherë për në shtëpinë time dhe u operova në mëngjes. Tani ndihem shumë mirë. Mirupafshim apandesit”
Burimi: Cosmopolitan