Me një këngë, Luiz Ejlli dhe Kiara Tito kanë treguar se do të bëhen prindër. ”Frymë” është kënga që artisti ka krijuar për vajzën që do të vijë në jetë, dhe në klip kanë ndarë momente të bukura, si nga lajmi që do të bëhen prindër, deri tek zbulimi i gjinisë.
Mes vargjeve plot ndjenjë për vajzën që presin, në video janë disa prej momenteve më të bukura të këtyre muajve. Moderatorja e Fan Club DWTS është në pritje të ëmbël dhe ata priten të bëhen prindër të një vajze. Në një postim në Instagram, Kiara shkruan se janë të mbushur me emocione, pasi shumë shpejt do të vijë në jetë fruti i dashurisë.
”Ne kur e mësuam lajmin na la pa frymë dhe mezi kemi pritur ta ndajmë edhe me ju. Jemi të mbushur me emocione, pasi shumë shpejt do të vijë në jetë fruti i dashurisë tonë, që mezi presim ti shohim sytë dhe ti prekim duart. Kjo është për të gjithë ju që prej fillimit keni përjetuar me ne çdo emocion të historisë tonë të bukur të dashurisë. Do të bëhemi 3”.