Kryeministri Edi Rama i ka dorëzuar “Shqiponjën e Artë” trajnerit të kombëtares shqiptare Sylvinho në Samitin e Diasporës.
“Duhet të ndërroj rregjistër për të kaluar tek kjo shqiponjë. Këtë nuk e kam as për një shqiptar, as për një arbëresh. Shqiptar mund të lindësh, shqiptar mund të bëhesh. Këtë e kam për një shqiptar në lindje e sipër. Dua ta ftoj këtu trajnerin e Kombëtares sonë”, tha Rama.
Sylvinho përshëndeti në gjuhën shqipe dhe falenderoi futbollistët dhe stafin e Federatës Shqiptare të Futbollit: “Dua të falenderoj të gjithë futbollistët e Shqipërisë se janë të fortë. Pa harruar dhe stafin e ferderatës që prezantojnë. Faleminderit, pa futbollistët, pa stafin nuk do të ishte e mundur të isha këtu dhe të merrja këtë çmim që për mua është një nder i madh.”