Katër ujësjellës, Fier, Lezha, Vlora dhe Durrësi kanë aplikuar pranë Entit Rregullator të ujit për të ndryshuar tarifat. Shoqëritë që furnizojnë qytetarët në 12 bashki i kanë argumentuar kërkesat me nevojën për investime dhe shlyerjen e borxheve.
Për tre shoqëri, Fierin, Vlorën dhe Lezhën, ERRU ka kërkuar dokumentacion shtesë, ndërsa për Durrësin së afërmi mund të jepet edhe një vendim.
Më herët shoqëritë e Shkodrës, Beratit dhe Elbasanit, që mbulojnë një total prej 16 qytetesh aplikuan së fundmi pranë ERRU për ndryshim tarifash, por kërkesa e tyre u rrëzua për shkak të mospërmbushjes së kushteve.