Një grup motoristësh që kanë marrë pjesë gjithnjë në paradat në Amerikë, ky 28 Nëntor i gjeti në Shqipëri.
Ata treguan se janë të emocionuar dhe po e shijojnë shumë atmosferën e krijuar pasi këtu, në vendin tonë, njerëzit janë më të dashur.
“Jam habitur dhe i kënaqur me gjithë shqiptarët në tokën tonë. Shiu është bereqet. Gjithë ky shi e gjithë këta njerëz. Nuk di si ta shpjegoj emocionin. Nuk na ndal asgjë, jemi shqiptarë, jemi të fortë,” – u shpreh njëri prej tyre.
“Çdo verë vij në Shqipëri me familjen,” – tha një tjetër.
“Ndryshon nga parada në Amerikë sepse njerëzit këtu janë shumë të dashur,” – tha një nga motoristët e grupit.