Kishte vetëm një javë që kishte dalë nga burgu, pasi ishte dënuar për vjedhje, dhe kryen sërish të njëjtin veprim. Ngjarja ka ndodhur në Lezhë ku DK., 23 vjeç në orët e para të mëngjesit ësht ëparë të hyjë nga dritarja e shtëpisë së GJ.K.
Ky i fundit e ka pikasur dhe ka njoftuar menjëherë policinë.
“Falë reagimit të menjëhershem të forcave policore pas marrjes se njoftimit, u bë e mundur kapja dhe arrestimi në flagrancë i këtij shtetasi, në një prej dhomave të banesës së shtetasit Gj.K, ku gjatë kontrollit fizik Policia i gjeti një mjet prerës (thikë)”, thuhet në njoftimin e policisë së Lezhës.
Materialet për veprime të mëtejshme i kaluan Prokurorisë Pranë Gjykatës së Shkallës së Parë Lezhë për veprat penale “Vjedhja”dhe “Prodhimi dhe mbajtja pa leje e armëve të ftohta” .