Kartolinat e fundvitit ditët e sotme e kanë zbehur rolin e tyre dhe fokusin më të madh e kanë marrë kutitë e dhuratave, të cilat bëhen më të rëndësishme dhe të bukura nëse janë të shtrenjta.
Por kjo nuk është aspak e vërtetë për brezin që adoleshencën e ka kaluar 10 apo 15 vite të shkuara, për të cilët fillimi i dhjetorit, muaji i festave nënkuptonte blerjen e kartolinave për shoqet, shokët, miqtë dhe të afërmit.
Madje ato kishin një rëndësi të veçantë për njerëzit që iu dhuroheshin, sepse duhet theksuar që ishin të seleksionuar mirë.
Poezitë e krijuara i bënin akoma dhe më të bukura përmbajtjet e tyre. Ju kujtohen rreshtat:
“Pjatat me meze
Gotat me raki
Te uroj nga zemra
Gëzuar vitin e ri”
ose
“Fryu era nga përjashta
Tundi perdet e mëndafshta
Mos kujto se të harrova
Kartolinën ta dërgova”
ose
“O pellumb o pellumb
Kartolinen mos ma humb
Se kam shkruar ca urime
Tja dergoj mesueses simeeee”
ose
“Bakllavaja feta feta
Gjeli detit po të pret
A do vish a ta ha vetë”
Akoma dhe më interesante i bënin imazhet që ishin dizenjuar, personazhe të famshme si; Rubi, William Levy, Justin Bieber, Justin Timberlake, etj.
Po ju ruani ndonjë kartolinë që ju kanë dhuruar për festa vite më parë, që mund t’i ndani me ne?/Living