Tymueset dhe kapsollat nuk munguan as në seancën e kësaj të enjte, ndaj agjentët e Komisariatit 1 dhe BKH do të shkojnë në Kuvend për të parë nga afër ”skenën e krimit”. Pritet që agjentët e krimit të kryejnë procedurat në lidhje me rastet e dhunës të shënuara në seancën plenare të kësaj të enjte. Ashtu si dhe në seancat e tjera të gjitha materialet do ti përcillen SPAK, si prokurori kompetente që heton ligjvënësit.
Sikurse mund të shihni dhe nga këto foto të siguruara nga ”Tirananews”, ekspertët po bëjnë fotografimin dhe marrjen e provave. Pak ditë më parë, përmes një reagimi në rrjetet sociale, Balla kujton Kodin Penal për deputetët e opozitës.
Balla shprehet se Kodi Penal përcakton qartësisht në nenet 151 dhe 154 veprat penale të shkatërrimit/dëmtimit me dashje të pronës me zjarr dhe me mjete të tjera, të cilat dënohen deri në 5 vite burg.
