Mesnatën e 9 dhjetorit, punonjësi i një karburantit në Selitë ka rënë pre e një grabitje me dhunë nga dy të rinj. Aleksandro Lazaj, 22-vjeç dhe Kristjan Lazaj, 21 vjeç, banues në Tiranë janë vënë në pranga.
Kamerat e sigurisë së karburantit kanë fiksuar momentin e grabitjes. Lazaj ka zbritur nga makina ku ishte bashkë me Kristjan Lazajn, teksa po furnizonin makinën me karburant.
Në momentin që ka zbritur ai është përleshur me punonjësin e karburantit i cili ka rezistuar, me qëllim që të ruajë paratë, duke vënë në rrezik jetën e tij. Por i riu grabitës ka vijuar duke e dhunuar dhe më pas i ka marrë xhiron ditore. Policia ka sekuestruar në makinë mjetin prerës thikë, një përforcues grushti, veshjet dhe automjeti që autorët e dyshuar kanë përdorur për të kryer krimin.