33 vite më parë u themelua Partia Demokratike. Në mesazhin e saj, deputetja e PD-së Jorida Tabaku thotë se tanimë është koha që PD të reflektojë të djeshmen për të ndërtuar të tashmen. “Me gjithë ulje ngritjet e saj PD mbetet sot forca transformuese e një Shqipërie të shkatërruar nga komunizmi. Forca politike që transformoi vendin në një vend të NATO dhe që i dha jetë ëndrrës evropiane”, nënvizoi Tabaku.
Postimi i plotë
Si sot 33 vite më parë erdhi në jetë ëndrra e ndaluar 50 vjeçare e shqiptarëve të burgosur në diktaturë, Partia Demokratike. Me gjithë ulje ngritjet e saj PD mbetet sot forca transformuese e një Shqipërie të shkatërruar nga komunizmi. Forca politike që transformoi vendin në një vend të NATO dhe që i dha jetë ëndrrës europiane.
Tanimë është koha që PD të reflektojë të djeshmen për të ndërtuar të tashmen. Tre dekada më parë ishim forca novatore që kishte një jetë politike pa pasur politikanë. Ndaj lipset që sot të zgjedhim politikën përpara jopolitikes.
Do të duhet të marrim vendime të vështira që na duhet të zgjedhim PD përpara çdo individi që vendos egon para nevojës së demokratëve. Vetëm kështu mund të modernizohemi dhe të jemi oferta për shumicën dhe zgjedhja e saj!
Një detyrim të kthehemi në alternativë politike, në një parti politike të ndryshimit!
Përulje ndaj gjithë demokratëve!