Lideri historik i PD-së, Sali Berisha ka mbledhur grupin parlamentar, ku pritet të vendosen hapat që do të ndërmerren në seancën parlamentare ku do të votohet dhe autorizimi i SPAK për arrestimin/ heqjen e lirisë ndaj ish-kryeministrit.
Nisur nga fakti se opozita prej dy muajsh nuk lejon seancë normale, a do lejojë Berisha të zhvillohet një seancë normale ku do të votohet autorizimi i SPAK? “Atë e vendos grupi parlamentar. Ky është vendim jo i Sali Berishës por i grupit parlamentar që është i mbledhur”,-tha Berisha sot në konferencën për median.
Pyetje: Sipas rregullores Këshilli për Rregulloren e Mandateve do të mblidhet, por a do të shkojë Berisha? ”Gjithçka do të vendoset në orët që vijnë”,-tha Berisha. Gjithashtu Berisha la të kuptohet se do të vijojë të përdorë partinë për tu mbrojtur “Ky është një frymëzim për opozitën. Ky akt që ndërmerret kundër meje, është një frymëzim dhe kushtrim i ri për opozitën. Në këtë kontekst ndihem më i motivuar se kurrë”,-tha Berisha.
Lexoni edhe https://tirananews.al/spak-kerkese-kuvendit-kerkon-arrestimin-e-berishes/