Mëngjesin e sotëm të shtëna me armë zjarri janë regjistruar në rrugën ”Don Bosko” në Tiranë. Mësohet se është qëlluar në drejtim të një makine, por fatmirësisht nuk ka persona të lënduar.
Drejtuesi i mjetit ka bërë kallëzim në polici se një person ka qëlluar me armë zjarri në drejtim të automjetit që drejtonte.
“Më datë 14.12.2023, është paraqitur në Komisariatin e Policisë Nr. 3, shtetasi R. Z., 42 vjeç, i cili ka kallëzuar se në rrugën “Don Bosko”, rreth orës 06:45, një shtetas ende i paidentifikuar ka qëlluar me armë zjarri në drejtim të automjetit që drejtonte. Nga të shtënat me armë zjarri nuk ka persona të dëmtuar”, njofton policia.