Shpëtim Kalemi, banor i komunitetit rom, është një prej autorëve të dyshuar për trafikim të veprave të artit. Kryeplaku i fshatit Drizë, Panajot Alushi kundërshton arrestimin e Kalemit, pasi e quan padrejtësi.
Për mediat ai tha se personat e arrestuar nuk kanë lidhje me trafikimin e veprave të artit, duke thënë se bëhet fjalë për gjëra të vjetra me vlerë të ulët. Ai thotë se Shpëtim Kalemi i arrestuar ka kaluar edhe doganën greke dhe shqiptare dhe nuk është ndaluar.
“Pa urdhër, pa pasur një shkresë për tu hapur banesa. Unë jam përfaqësuesi i fshatit. Po na sorollasin dhe marrin nëpër këmbë, edhe ministria e Drejtësisë dhe Policia e Shtetit duhet të marrë masa për shtresat në nevojë. Shpëtim Kalemin nuk e ka kaluar dogana greke dhe shqiptare, ka kaluar makinë në skaner, ka paguar edhe 260 euro, ato gjërat e vjetra që ne shesim 500. Ai po nxjerr kafshatën e bukës. Duhen marrë masa, gjërat që janë kapur në banesën e Kalemit për ne janë pa vlerë. T’i verifikojë ekspertiza se janë gjëra që shiten me 500 apo 1000 lekë”, tha ai.