Shqiptarja Aureta Thomollari është përzgjedhur nga revista ”Forbes” si një nga Top Creators në kategorinë e Modës. Në këtë kategori, ”Forbes” ka përfshirë njerëz me ndikim në rrjete sociale, të cilët kanë formësuar shijet dhe tendencat globale.
Ajo renditet mes emrave si: Emma Chamberlain, Chiara Ferragni, Charli D’Amelio, Madison Beer, Sofia Richie etj. “Aureta Thomollari u zhvendos për herë të parë në SHBA nga Shqipëria në moshën 9-vjeçare”, shkruan Forbes.
“Pasi hapi një dyqan bizhuterish në Los Angeles, ajo nisi të postonte në Instagram për të treguar sipërmarrjet e saj dhe frytet e sipërmarrjes së saj, bizhuteritë luksoze, pushimet dhe modën maksimaliste, gjithmonë e karakterizuar nga syzet e mëdha të diellit. Sot, Thomollari është partnere në KAVIAR Restaurants, Casa Del Sol Tequila dhe Huckleberry Jewelry. Ajo shet syze të pikturuara me dorë përmes markës së saj Grand Azur dhe ka bashkëpunuar si content creator me Lancome dhe Hugo Boss”.