Gjykata e Posaçme ka rrëzuar kërkesën e kryebashkiakut të zgjedhur të Himarës, Fredi Beleri. Këtë herë, Beleri kërkoi përjashtimin nga trupa gjykuese e gjyqtarëve Erion Çela dhe Irena Gjoka me pretendimin se janë treguar të njëanshëm në vendimet ndaj tij.
Në seancën e sotme u paraqitën në sallën e gjyqit 5 dëshmitarë, mes tyre një gazetar lokal që intervistoi Avdyl Ramën, vëllain e bashkëpunëtorit të drejtësisë, Arsen Rama.
Dëshmitarët e tjerë ishin banorë të Himarës, të cilët dhanë sqarime se kishin miqësi me Belerin dhe e takonin disa për shkak të fushatës zgjedhore e disa si bashkëqytetarë. Seanca e radhës gjyqësore për çështjen Beleri do të zhvillohet më 10 janar.