55 persona kanë mbetur të vdekur pas një shpërthimi të një cisterne që mbante benzinë në Nigeri.
Shpërthimi ndodhi vetëm disa metra larg aeroportit ndërkombëtar të Niamey-t. Ndërkohë ministria e Brendshme e Nigerisë bëri me dije se 55 persona kanë gjetur vdekjen nga djegia dhe 36 persona të tjerë kanë mbetur të plagosur.
Sipas dëshmitarëve, cisterna u përmbys dhe doli nga linja e trenit. Në këtë moment shumë persona u munduan të merrnin gaz dhe papritur ndodhi shpërthimi.
Një grua dëshmitare tha: “Para mesnatës, dola nga shtëpia dhe pashë automjetin që kishte rënë. Njerëzit erdhën nga kudo për të marrë benzinë. Pastaj, pashë një zjarr dhe të gjithë ishin të mbështjellë në flakë.
Një tregtar, i cili pa shpërthimin tha se kishte parë shumë shoferë makinash dhe të tjerët, që u mblodhën rreth cisternës. “Nuk kishte askund zjarr dhe pastaj u bë bumi. Pashë të paktën 40 të vdekur.”
Ministri i Brendshëm Mohamed Bazoum tha se një nga shoferët mund të mos ketë fikur mototrin e automjetit teksa ka marrë benzinë.