Kënga “Mora Fjalë” e interpretuar nga Shkurte Fejza dhe dedikuar Adem Jasharit, u bë himni i çdo përballje që skuadra shqiptare e futbollit kaloi deri në kualifikim e në europian.
Gjatë kësaj faze, jo të pakta ishin mendimet e kritikat se kjo këngë megjithë gjithëpërfshirjen e shqiptarëve, nuk ishte himni më i përshtatshëm për të shoqëruar Kombëtaren e Futbollit dhe argumentat dhe arsyetimet ishin nga më të ndryshmet.
Barometri sjellë këtë herë përmes gjetjeve të tij mendimin e qytetarëve në lidhje me këtë këngë dhe shoqërimin e ndeshjeve të kombëtares me të.
Shumica e tyre (86 %) shprehen se e kanë dëgjuar këngën “Mora Fjalë” dhe përsëri shumica 70,7 % mendojnë se ajo i përfaqëson të gjithë shqiptarët.
