Zëvendës Presidenti i Forumit Republikan, Mark Crawford ishte i ftuar në Euronews Albania ku tha se nuk dihet nëse do ketë një dënim për Donald Trump, pasi shumë çështje janë në gjykim e sipër.
Crawford bëri gjithashtu një analizë të sondazheve të zhvilluara në Amerikë, ku sipas tij, pavarësisht shumë gjërave “të çuditshme” që po ndodhin në SHBA, duket se Trump do të rikthehet në Shtëpinë e Bardhë.
“Mund të ketë dënim, nuk jam i sigurt sepse ka disa Gjykata me gjyqësor të ndryshëm dhe procese të ndryshme. Meqenëse janë çështje të ndryshme, mund të zgjaten ose të shpejtohen.
Unë mendoj se është shumë e ndërlikuar dhe që nuk ka ndodhur ndonjëherë. Gjithashtu është e çuditshme që Biden dhe Trump garojnë përballë njëri-tjetrit. Sipas sondazheve, Trump do fitojë brenda partisë e madje do fitojë edhe kundrejt Trump dhe do kthehet në Shtëpinë e Bardhë”,-tha Mark Crawford.