Policia e Sarandës, në bashkëpunim me Drejtorinë e Policisë Vlorë, kryen një operacion të bujshëm ditën e sotme në qytetin e Sarandës, ku u arrestuan 8 persona, të cilët dyshohen për trafik ndërkombëtar të drogës.
Mes tyre, ishte edhe Adrian Xhibro, mbrojtësi i cili aktivizohet me ekipin e Delvinës, në grupin B të Kategorisë së Dytë. Mbrojtësi Xhibro, ka qenë më parë edhe pjesë e skuadrave si Butrinti, Albpetroli, dhe së fundmi tek Delvina.
