Shkoi në stan për të kaluar natën, detaje sesi u dogj brenda kasolles 49-vjeçari

Detaje të reja janë mësuar në lidhje me ngjarjen tragjike në fshatin Oseckë afër Leskovikut, ku një 49-vjeçar u dogj në stan. Viktima do të kalonte natën në një kasolle afër stanit. Mbrëmjen e së mërkurës ai është kthyer në orët e vona të natës në kasolle dhe sipas policisë dyshohet se ka qenë në gjendje të dehur. Policia thotë se bariu ka ndezur qiri, por më pas kasollja ka marrë flakë. Ngjarja ka ndodhur në një zonë të thellë malore, afër Leskovikut. Shërbimet e policisë dhe zjarrfikëses kanë shkuar në vendngjarje për të kryer të gjitha procedurat.