Ish-kryeministri Sali Berisha thotë se që prej vitit 1992, i kanë ardhur nga Serbia të dërguar me harta për ndarjen e Kosovës.
Sipas Berishës, Sllobodan Millosheviçi mendonte se ndarja do të bëhej vetëm nëpërmjet Shqipërisë.
“Në vitin 1992, serbët me shpejtësi përpiluan projektin e ndarjen e Kosovës. Një njeri që ishte i gjithëfuqishëm në Serbi, Sllobodan Millosheviçi i cili kishte pikëpamjen se kjo çështje nuk zgjidhej me Kosovën, por me Sali Berishën dhe Shqipërinë. Ndaj vinin tek unë me harta.
Millosheviçi thoshte se nuk zgjidhej me Kosovën. Pse me Shqipërinë? Ata pasi ta copëtonin Kosovën siç donin, pasi të krijonin një Andorra në Deçan, në Graçanicë, pasi të krijonin këto Shqipëria të merrte ato tjerat. Po t’i merrte Shqipëria fitonin stabilitet.
Nga pikëpamja zyrtare kanë ardhur jo një por disa. Kanë ardhur ish-deputetë. Sillnin harta dhe thoshin a je dakord për këtë. Duhej ndarë edhe Maqedonia.
Ishin deputetë jo serbë. Cili ishte projekti gjeostrategjik i Serbisë dhe Greqisë? Greqia nga Maqedonia po humbiste kufirin me Serbinë. Nuk ishte ndjerë ndonjëherë sa ishte federata jugosllave. Për hir të së vërtetës, një president shumë i zgjuar turk e nxiti situatën kur tha harku islamik deri në Adriatik. Nuk kishte realitet.
Nëse shkon tek biseda ime me Xhorxh Bush në ’92 i kam thënë: President ata duan ta copëtojnë, ta ndajnë Kosovën, ta pastrojnë pjesën që do marrin nga shqiptarët, ti nxjerri në kufi me ne. Unë i kam thënë unë kufijtë do t’i hap”, tha Berisha në “360 Gradë”.