Jesar Shabaj, 20-vjeç është arrestuar nga Policia e Tiranës, pasi në bashkëpunim me vëllain e tij, Jasar Shabaj, 23-vjeç, i cili është shpallur në kërkim, kishin planifikuar që të kryenin atentate me eksploziv.
Dy vëllezërit nga Shkodra dyshohet se ishin pjesë në një grupi të strukturuar kriminal në vendlindje, por që kishin bazë edhe në Tiranë. Minat u bënin në mënyrë artizanale për t’u përdorur më vonë për atentate.
Dyshohet se lënda shpërthyese ishte përgatitur për larje hesapesh mes bandave, ose e porositur nga persona të tjerë për ndonjë atentat të mundshëm. Dy të rinjtë janë nipat e ish-kreut të njësisë Administrative Postribë, Altin Shabaj.