Kreu i Partisë së Lirisë, Ilir Meta i ftuar në një emision televiziv, nga gazetarja Ola Bruko, foli për mundësinë e bashkimit të opozitës.
Ai tha se për të e rëndësishme është që të bashkohet e gjithë opozita e vërtetë në mënyrë sa më gjithëpërfshirëse dhe të zgjerohet me faktorë të tjerë shoqërorë.
Po ashtu u ndal te masa ndaj ish-kryeministrit Sali Berisha, ku tha se opozita nuk do qëndrojë në Kuvend si një fasade e kësaj autokracive gjithnjë e më të degraduar.
Pyetje: Sa mundësi ka për bashkimin e opozitës?
Meta: Rama është i sigurt që një pjesë e deputetëve të opozitës do i shërbejë besnikërisë së tij dhe për mua është e rëndësishme që të bashkohet e gjithë opozita e vërtetë në mënyrë sa më gjithëpërfshirëse dhe të zgjerohet me faktorë të tjerë shoqërorë.
Pyetje: Sa i vështirë është tani aksioni opozitar, kur Berisha ndodhet në arrest shtëpie?
Meta: S’kemi të bëjmë me radikalizmi por degradim të autokracisë të regjimit shtypës ndaj të drejtave të qytetarëve shqiptarë. Opozita nuk do qëndrojë në Kuvend si një fasade e kësaj autokracive gjithnjë e më të degraduar.
Ata që lanë mandatet dhe ata që bashkëpunuan për lënien e mandateve me qëllim po kritikojnë këta që nuk i lanë.
Pyetje: Sa i vështirë do jetë ky aksion tani që Berisha është në arrest shtëpie?
Është e kundërta, mendoj se intensifikimi i akuzave ndaj Berishës u shtua kur pati një sinergji të deputetëve në Kuvend dhe një program të qartë të tyre për vendosjen e normalitetit. Pra është e kundërta e asaj që thonë ‘rilindasit’.