Kryeministri Edi Rama tha para familjarëve të viktimave të 21 Janarit, se pret që të bëhet drejtësi për këtë çështje. Për të Prokuroria e Tiranës është pa shtyllë kurrizore, dhe se ”dosja e gjakut” duhet t’i kalojë SPAK.
“Presim drejtësi për 21 janarin. Pak më shumë se prej 1 muaj nga sot, do të marrim vesh nëse dosja e gjakut të 21 janarit do t’i kalojë apo jo SPAK për të hapur hetimin mbi krimin shtetëror, apo do të vazhdojë të ngelet e mbyllur, Zoti e di sa kohë, në barkun e madh të Prokurorisë së rrethit gjyqësor Tiranë, pa shtyllë kurrizore. Këto janë shëmbëlltyra e drejtësisë aktualisht”, tha ai.
Lexo edhe :
Related Posts
Rama bëri thirrje për drejtësi, që këtë radhë sipas tij, vjen me pakëz dritë në fund të tunelit për shkak të vendimit të Gjykatës Europiane për të Drejtat e Njeriut.
“Sot ky përkujtim ka pakëz më shumë se sa thjesht shpresë ne errësirën e plotë të tunelit të kërkikmit të drejtësisë gjatë gjithë këtyre viteve. Prandaj sot ndryshe nga herët e tjera ne jemi së bashku jo vetëm për të përkujtuar por edhe për t’i thënë këto fjalë. Sepse ka më në fund pakëz dritë në rrugën e gjatë të këtij tuneli”.
Pas fjalimit në Kryeministri, kreu i qeverisë i shoqëruar nga familjarët e viktimave, ministra e deputetëve vendosën karafila të kuq në vendet ku mbetën të vrarë 4 persona në bulevard më 21 Janar.