Sali Berisha është futur brenda ambienteve të SPAK-ut, kjo për herë të parë që kur nisi beteja me drejtësinë për dosjen ”Partizani”. Në ambientet para SPAK-ut ai është pritur me ovacione nga mbështetësit dhe disa nga deputetët e grupit të tij. “Opozita do fitojë. Jam sot këtu për të përfaqësuar ju, shqiptarët, pluralizmit. Jam këtu për të denoncuar Ramën dhe grupin e organizuar kriminal në këtë ndërtesë. Ne do fitojmë. Fitore”, tha ai.
Disa ditë më parë SPAK refuzoi kërkesën e Sali Berishës për të qenë i pranishëm në seancat e Kuvendit, edhe pse ndaj tij është dhënë masa e sigurisë arrest në shtëpi.
Lexo edhe :
Related Posts
Kërkesën për të marrë pjesë në seancat plenare e kishin bërë avokatët e tij, Sokol Mëngjesi dhe Genci Gjokutaj, por nuk është miratuar. Masa e sigurisë ndaj Berishës ka hapur debatin, nëse atij do t’i ndërpritet mandati i deputetit, nëse mungon për më shumë se 6 muaj në Kuvend.
