Sali Berisha ka folur për mediat pas përfundimit të marrjes në pyetje nga SPAK, ku qëndroi më shumë se 1 orë. Prej 24 ditësh, ish-kryeministri Sali Berisha qëndron me masë sigurie arrest shtëpie në lidhje me dosjen e privatizimit të ish-kompleksit sportiv.
“Deklarova aty se jam këtu për të shembur piramidën tuaj dhe për të denoncuar aktet tuaja kushtetuese, pasi masat që vendosët kundër Berishës janë në shkelje të Kushtetutës. Jam këtu thash për të denoncuar aktet antiligjore të turpshme, për t’i marrë pushtetin Edi Ramës. Jam këtu për të denoncuar refuzimin e provave që nuk mund të ndodhë kurrë në një vend, pasi provat ato ishin shkatërrimtare për ta. Refuzuan ekspertizën e pavarur që tregonte shëmtinë e këtij grupi kriminal. Ata refuzuan dokumentet që faktojnë se vepruan me urdhër të Ramës. I pyeta kush nga ju ka bashkëpunuar me McGonigal. Ata shihnin njëri tjetrin dhe nuk dinin si të përgjigjeshin. Kur përmenda Taulant Ballën, fytyrat u prishën. Ata nuk bënë pyetje, ishte vetëm një vetëdenigrim që i bënin vetes”, tha Berisha.
Lexo edhe :
Related Posts
Kreu i demokratëve, i cili qëndroi për më shumë se 1 orë e 45 minuta në strukturat e Prokurorisë së Posaçme, u shpreh para gazetarëve se denoncoi para prokurorëve shkeljen e ligjit që ata kanë bërë për dosjen “Partizani”.
I pyetur se cilat ishin pyetjet që i drejtuan prokurorët e SPAK, Berisha tha se “nuk u mor vesh kush drejtoi më shumë pyetje, ata mua apo unë atyre”. “Mjeranë që ripërsërisnin trillimet e tyre. Se ligji thoshin, ku u tregova ligjin e 2004 dhe nenin për shpronësimet. Por ata e kanë fshehur. Më pyetën se çfarë pune ka bërë Malltezi. Ishin jashtë procedurës. Ke dijeni ti për ardhjen e atij gjeneralit. Ai s’ka asnjë lidhje me privatizimin”. Ndër të tjera për gazetarët Sali Berisha sulmoi prokurorët se po bëjnë hetim të njëanshëm duke mos hetuar Edi Ramën.
”Si ka mundësi që ju injoroni Edi Ramën kur gjykata ka dënuar atë për shkelje ligji dhe e ka dënuar me 320 mijë euro, se nuk zbardhte lejen pasi e mori vesh që Jamarbër Malltezi ishte pronar dhe lejen e miratuar e bllokoi. Gjykata e urdhëroi në të gjitha nivelet të japë leje, se ishte e miratuar. Edi Rama edhe pas kësaj conte inspektorin dhe e bllokonte. Pronarët shkuan sërish në gjykatë, e ajo e dënoi me 320 mijë euro e këta, grup i strukturuar kriminal nuk guxonte të përmendte emrin e tij”,-tha Berisha.