I gjithë territori i vendit është përfshirë nga një mot i ftohtë gjatë ditëve të fundit dhe pritet që ekstremi i temperaturave të ulta për këtë javë të arrihet gjatë orëve të para të ditës së nesërme. .
Stacionet meteorologjike rajonale raportojnë për ulje të temperaturëve deri në -3 gradë Celsius gjatë mëngjesit të sotëm në kryeqytet, ndërkohë që termometri do të zbresë edhe më tepër në pjesën veriore, veri-lindore dhe jug-lindore të vendit.
Temperaturat e ulta nga -9 deri në 2 gradë Celsius do të përfshijnë thuajse 80% të territorit të Shqipërisë duke përjashtuar vetëm zonat bregdetare, të cilat do të kenë temperature disi më të larta krahasuar me pjesën tjetër.
Temperatura më e ulët pritet të arrihet në Peshkopi me -10 gradë Celsius, Bulqizë me -9 Gradë Celsius, Bajram Curri e Korçë me -6 dhe -8 gradë Celsius, etj.
Situata pritet të përmirësohet disi gjatë mesditës së nesërme ku tempeturat do të rriten sërish pas kalimit të rrymave të ftohta ajrore me origjinë nga veriu i kontinentit.