Pronat vijojnë që të shkakojë konflikte. Një i tillë është regjistuar edhe këtë të mërkurë, mes dy personave në Ungrej të Lezhës, që përfundoi me plagosjen me sende të forta të një të moshuari.
I plagosur ka mbetur shtetasi, Ndrec Kola i cili është dërguar për ndihmë mjekësore në Spitalin e Lezhes. Ai ka marrë dëmtime në kokë dhe krah tregon ngjarjen që ndodhi mbrëmjen e 23 janarit
“Me këtë fshatarin ka disa vite që kemi hatërmbetje me njëri tjetrin. Ai më thotë jo në vendin tim, ndërsa hyn në tokën e babës. Fajin e ka vëllai im. Ai futi dhitë në tokën e babës. Unë i thirra dhe më qëlloi me lopatë. U përleshëm tek për tek e nuk kishte çfarë të bënte. Më pas mori djalin e vet dhe më dolën para. Më kapi djali i vet. E kapa djalin e ai më qëlloi me lopatë”,-thotë ai.
I moshuari tregon se babë e bir janë të ndaluar ndërsa kërkon ndihmën e autoriteteve. Policia e Lezhës u vu menjëherë në lëvizje duke kryer të gjitha veprimet hetimore, si dhe mori dëshmitë e përsonave të përfshire me qëllim zbardhjen e kësaj ngjarje e cila ndodhi në fshatin Ungrej të Bashkisë Lezhë.