“Testamenti”, komedia e zezë me autor dhe regjisor Leka Bungon, dhe interpretimin e jashtëzakonshëm të Viktor Zhustit do të shfaqë premierën e shumëpritur me 31 janar.
E gjithë historia e Shqipërisë e treguar nga komunisti Kuqo, një personazh thuajse i fandaksur i cili i vetëm në skenë do të ndërtojë një marrëdhënie delikate me publikun mes të cilëve ata që e kanë jetuar periudhën e komunizmit dhe ata të cilët jetojnë në ditët e sotme.
“Testamenti” është një shfaqje tejet intime, thellësisht sarkastike, dhe shume sfiduese për Zhustin i cili për thuaj 60 minuta do të mbajë peshën e të gjithë perfomancës.
Kjo vepër premton të jetë epitomë e përsosmërisë teatrale, e cila do t’i bëjë spektatorët të buzëqeshin hidhur.