Gjatë diskutimit në Top Story për rastin e Jetnor Xhabolit që mbante të burgosur bashkëshorten e tij dhe fëmijët, pedagogia Iris Luarasi ngriti shqetësimin e mos raportimit të dhunës për shkak të paragjykimeve.
Për rastin në fjalë, Luarasi tha se bashkëshortja nuk ka pranuar asnjëherë ndihmë nga psikologja, madje kur është marrë në pyetje ka mohuar dhunën.
“Bashkë me paranojën, ke të shtuar dhunën, gruaja nuk del dot pa burrin, nuk ka kontakte me familjarët. Në dhjetor zonja është thërritur, është kontaktuar nga psikologja dhe nuk ka pranuar të shkoj në terapi, ka thënë nuk jam grua e dhunuar. Deklarata nuk pranon asnjë lloj dhune të ushtruar ndaj saj. Pyetjes për familjarët, është përgjigjur jam unë që nuk kam dashur të kem kontakte me familjen. Unë nuk jam njeriu që e afroj atë me familjen time. Unë kam mësuar një mësim të madh.”-tha Luarasi.
Pedagogia tregoi edhe një histori të dhimbshme të një mikeshës së saj, e cila kishte shumë reputacion dhe kishte një bashkëshort të sjellshëm në sy të të tjerëve, por në fakt dhunohej dhe nuk e deklaronte, derisa u vra.
“Një grua e cila drejtonte një organizatë jo fitimprurës me reputacion, e martuar me bashkëshortin e dytë me të cilin kishte edhe 2 fëmijë. Kishte një nismë të rëndësishme, e kemi takuar në kafen dhe e pamë që kishte një hematomë, kam rënë nga shkallët, ka 6-7 vite. Ishte një grua e fortë kur e shikoje, ndërkohë kishte një bashkëshort që për gjithë botën ishte burri më gentleman që mund të takojë që thoja ua çfarë fati ka grua.
Ai ishte bixhozçi, kërkonte nga gruaja të sillte gjithmonë para. Fatkeqësia më e madhe ishte kur dëgjova që ai kishte vrarë zonjën në fjalë dhe veten. Ti e ke takuar atë njeriun, ke folur është një grua e fortë dhe nuk të thotë që edhe te dhunuar nga bashkëshorti. Me emocionon kjo gjëja, këtu kuptova që e kemi shumë kollaj të bëjmë llogarinë e njerëzve nga jashtë. Me thënë ti dëgjon një histori, një i tretë thotë “kjo ia drodhi atij”. Askush në fakt, çfarë gabimi të tmerrshëm që gjykojmë jetën e njerëzve nga jashtë, ne nuk e dimë çfarë në ndodh në shpirtin e asaj gruaje dhe përpjekjen e saj për të mos e treguar asnjëherë. Kur një njeri është i sëmurë mendoj, bashkëshortja e ka kuptuar, por në rastin që po flasim sot, është viktimë”-tregoi Luarasi.