Diagnoza që FMN ka për ekonominë shqiptare: është një ekonomi që pasuron një grusht njerëzish pranë pushtetit, që punon për pakicën dhe jo për shumicën.
Ish-deputetja e PD, Jorida Tabaku reagoi sot në një deklaratë për mediat, pas deklaratave të misionit të FMN në Tiranë. Tabaku u shpreh se diagnoza që FMN ka për ekonominë shqiptare,është një ekonomi që pasuron një grusht njerëzish pranë pushtetit, që punon për pakicën dhe jo për shumicën.
“FMN, njësoj si opozita, shprehu shqetësim për përqendrimin e pushtetit ekonomik në duart e kryeministrit. Një tjetër ligj klientelist dhe aspak dobiprurës për xhepat e shqiptarëve është ligji i Korporatës së Investimeve.” -tha Tabaku ndërsa shtoi se alternativa e PD për shqiptarët është konkurencë e lira, mundësi të barabarta për të gjithë, duke aplikuar taksa të ulëta dhe duke krijuar një klimë miqësore për biznesin.