Një tjetër grua jetonte në burgun e banesës që ishte e rrethuar me kamera. Asqeri Mandri jetonte jashtë shtetit, por ishte e fiksuar për të ndjekur hap pas hapi bashkëshorten e tij, ndaj instaloi kamera në të gjithë banesën për ta monitoruar.
Ngjarja ka ndodhur në zonën e Kodër Kamzës, ku nëna e katër fëmijëve mbahej e mbyllur dhe nën vëzhgimin e burrit të saj, i cili e dhunonte sa herë vinte në atdhe. Gruaja telefonoi policinë dhe i tregoi për dramën që po përjetonte. Pasi mbërritën në banesë, efektivët zbuluan dinamikën e ngjarjes dhe bënë arrestimin e autorit.
Lexo edhe :
Related Posts
Ky është rasti i dytë i izolimit të gruas në banesë që ndodh brenda pak kohësh në Tiranë. Më 26 janar një tjetër rast u zbulua në Selitë, ku 35-vjeçari Jetnor Zh., mbante të mbyllur gruan, nënën dhe fëmijët, si edhe i vëzhgonte me kamera e ushtronte dhunë fizike ndaj tyre.