Tashmë është zyrtare se ku ndodh ish-numri dy i qeverisë Rama, i cili është shpallur në kërkim ndërkombëtar. Arben Ahmetaj ka pajtuar një kompani lobimi në SHBA, kundrejt pagesës prej 150 mijë dollarëve. Në dokumentacionin e dorëzuar pranë autoriteteve amerikane, kompania Prism Group, kontraktuar nga Ahmetaj, tregon edhe banesën e ish-numrit dy të qeverisë, në Lugano të Zvicrës. (Adresa e plotë: Viale Stefano Franscini 11 6900 Lugano, Zvicër)
Kompania merr përsipër të këshillojë klientin mbi të drejtat e tij ligjore, politike dhe shkeljen e të drejtave të njeriut nga qeveria dhe aktorë politikë në Shqipëri, të lobojë pranë Qeverisë federale, departamenteve dhe agjencive, si dhe Kongresit, mbi çështje që lidhen me marrëdhëniet SHBA-Shqipëri, përfshirë ndihmën e huaj, korrupsionin e zyrtarëve, ndihmën ekonomike e tregtare.
Shuma prej 150 mijë dollarësh do të paguhet me disa këste dhe sipas dokumentacionit të paraqitur nga kompania lobuese, ajo do të financohet nga shtetasit:
Erjola Flamur Hoxha, qytetare shqiptare, me adresë Viale Stefano Franscini 11 6900 Lugano, Zvicër
Flamur Adem Hoxha, qytetar shqiptar, me adresë Rruga Tefta Tashko Nd 41, h2, ap 34 Tirana, Albania
Eljona Aleksander Hoxha, qytetare shqiptar, Rruga Tefta Tashko Nd 41, h2, ap 36 Tirana, Albania
Ermand Abedin Hoxha 21-03-1977, qytetar amerikan, me adresë: 70 Maple St, Paxton MA 01612.